Avisu Septiembre 2020: aquellos usuarios que estén rexistraos y no puedan entrar en la su cuenta, que se pongan en contactu con nosotros en [email protected] x

¡BIENVENÍU A LOS FOROS DE LLASTRES, Invitado! Somos la primera comunidad llastrina que se formó en internet, allá por 1998. Puedes registrate de forma gratuita y empezar a debatir, estamos encantados de que formes parte de esta comunidad Smile x

Calificación:
  • 0 voto(s) - 0 Media
  • 1
  • 2
  • 3
  • 4
  • 5

Una pequeña historia de un "leninista"
#1

La página de "Elcomentario.tv" nos deleita con lo publicado a continuación:



"<TABLE cellSpacing=0 cellPadding=2 width="95%" border=0><TBODY><TR><TD bgColor=#4f675b><TABLE cellSpacing=0 cellPadding=0 width="100%" border=0><TBODY><TR><!-- Titulo --><TD align=middle width="90%">Que listu ye Tini, o lo que-yos espera a los verdes</TD><!-- Fecha --><TD vAlign=top noWrap align=middle width="10%">24/04/2007 - 1:00 h</TD></TR></TBODY></TABLE></TD></TR><TR><!-- FILA CONTENIDO --><TD bgColor=#ffffff><TABLE cellSpacing=12 cellPadding=0 width="100%" border=0><TBODY><TR><TD><TABLE cellSpacing=1 cellPadding=4 width="100%" border=0><TBODY><TR><TD align=right><!-- Foto --></TD></TR><TR><TD align=right><!-- Nombre -->Secera

</TD></TR><TR><TD><!-- Comentario -->
<BIG>Entamamos a conocer a esti personaxe na mal llamada “Transición” como cabezaleru del PCE. Nin que decir tien, que yera, nun faltaba más, el más radical del partíu. Una llarga militancia na clandestinidá, la pureza ideolóxica y la capacidá de remanar xente alrodiu d’elli facíanlu un llíder netu, un cabezaleru natural. Tevo la suerte de salir siempre bien paráu, mentantu muchos de los sos collacios del partíu pasábanles putes cola Brigada Políticu Social. Decíase daquella que yera por ser fíu del cuerpu, que les amistaes familiares sacábanlu de les comisaríes cola promesa de redimilu, pidiendo avergoñáos que lu soltaren. “Qué vamos a hacer nosostros, si nos salió una manzana podrida. Bastante tenemos”. Eso dába-y tovía más méritu, l’atractivu del que[Imagen: arecesvilla.jpg] ye quien burlase del sistema. Nun quiero allargame munchu nesta hestoria perconocía por toos, que acaba, a la fin, por destapase col nombramientu de Julio Bregón como Director d’Interior. Ehí quedó claru pa quien quixo qu’esti home tenía más que suerte, hebo quien faló d’un pasáu de confidente de la policía. A bon entendeor, pa qué siguir…

Cuando’l Partíu Comunista taba nel so momentu cimeru, cuando yera una fuercia política con munchu poder y capacidá de movilización, Tini, “escandalizáu” poles concesiones que taba faciendo el PCE traicionando al socialismu, a la clase trabayadora, a la República cola restauración de la monarquía y la bandera borbónica -Carrillo tevo la culpa- etc, arródiase de la xente que representaba la pureza ideolóxica del partíu, y fende esti caberu en Perlora, colando con otros leninistas como Troteaga, Riopedre, etc, nun episodiu col que entama la caída d’un PC feríu de muerte. Más víctimes pal de la chaqueta.

Pocu se sabe de la biografía del personaxe dende que cola del PC pola esquierda, fasta que vuelve a la vida pública pola drecha del PSOE, na “corriente” que n’aquel tiempu se nomó “renovadora”. Vicente “Tini”, ya como renovaor, ye nomáu pol gobiernu de Felipe González, Delegáu Provincial d’Educación, y dende esi puestu entama la conquista de la alcaldía de Xixón. Sólu había un problema “menor”, y ye que el alcalde yera compañeru de partíu. Pero eso bien pocu ye pa Tini, que n’otru episodiu que enriquez la biografía y el so perfil, balta, col sofitu de personaxes del altor políticu de María José Ramos y tola so familia, amigos, etc, de Villaverde, Sariego, Sanjurjo y compañía, na Universidá Llaboral, en medies d’un escándalu ellectoral, al socialista “arcaicu” y honráu que yera Palacios. Un golpe de partíu en toa regla pa algamar el poder. Como correspuende a la trayeutoria d’esti fontaneru de la política.

L’Ayuntamientu de Xixón ye una plaza na que Vicente texe una maraña políticu-burocrática-clientelar que va aupálu al poder absolutu. Nun hai res que se mueva’n Xixón ensin que Tini lo apreve. L’intervencionismu y el nepotismu eleváu a una potencia desconocía dende la dictadura. Pero eso, que fartaría a un güe, faese-y pocu pa la so fame de poder descomanada. L’esllabón de la Caxa ye sólu un pasu más pa dir faciéndose un sitiu na política a mayor escala. L’oxetivu: El Gobiernu d’Asturies.

Dende Madrid, onde dempués de la caída en disgracia de Guerra, Fernández Villa ya nun ye bien vistu, vienen perres que apoyen el proyeutu de descabezar el poder n’Asturies, camudando’l poder vieyu-obreru-cuenqueru de Villa pol tecnócrata-alministrativu-güai-playeru de Tini. Gracies a elles fae obres “playes” a mamplén, garrando una imaxen de políticu eficaz qu’en mediu del caos del PSOE dempués de la caída de Rodríguez Vigil, del pasu caricaturescu del alcalde “encementaor”, y la non menos cómica engarradiella Marqués- Cascos, déxan-y el camín desbrozáu pa algamar la presidencia d’Asturies. Del trabayu fechu colos medios llocales (El Comercio, la Ser, TeleXixón), sacará bones llecciones pal futuru. El fagocitu Tinín sigue comiendo.

La llucha pol poder na FSA atalántase llarga, afayaíza pa correores de fondu de la política. Estos dos, bien gordinos, cuerren pocu, pero tienen sebu abondu pa aguantar tiempu. Probatiblemente, nesa griesca que duró cinco años, más o menos, enganchábense los dos políticos más armáos que enxamás hubiere na Asturies d’anguañu. Un choque de trenes, una llucha a muerte. El poder en partíu –el políticu- ta en manes de Villa, el poder del gobiernu –les perres, l’económicu- en manes d’Areces. Villa, que ye vieyu nesto, sabe que ta perdíu. Decídese a viender caru’l peyellu. Quier morrer con dignidá, pero sabe que ye custión de tiempu. Areces mueve ficha. Necesita l’apoyu de los sindicatos a los que pieslla la boca coles perres del Pacto por el Empleo. Alberto Rubio y Justo Braga miren los bolsos llenos con codicia. Con eses perres Braga va tener a la UGT tranquila. Interésa-y minar la autoridá de Villa. Pocu a pocu, entamen les traiciones, disimulaes nun entamu, disfrazáes d’homes bonos, como la de Javier Fernández, adulces más evidentes. Pero Villa entovía ta sentáu na mesa de los Fondos Mineros, y espatalixa como’l gochu que’n corripiu adivina la so muerte. La llucha na Caxa tamién esclaria bien esti procesu. Deféndese cuatro o cinco años, pero la candidatura a les ellecciones de va cuatro años ya amuesa la so debilidá. Dempués de les ellecciones, les traiciones de Migoya, Lastra, Luis María García y otros más duelen menos que la evidencia pública de les mesmes. El sabía que taba perdíu. Ahora sabe que las ratas del partíu tamién lo saben, ya-y planten cara. Migoya écha-y una bronca en plenu salón de la Xunta. “Cola sonrisa dulce que tenía esta Migoya…cómo me ponía” Villa veíalo venir. El PP a flores, como siempre, nun se entera. Pero duel, y munchu. Villa sabe que Tini ganó. Agora ta solu. Quéda-y pocu n’Uvieu, tien que retirar a tierra seguru, a la retaguardia minera. Quier un pocu dignidá, pero tien lo que merez. El que sema vientu…Areces gana la FSA.

Mentantu, armáu col poderosu armamentu del gobiernu, nun pierde’l tiempu. La so fame política nun tien torna. Na segunda llexisllatura, necesitáu de la mayoría na Xunta, inventa una xugada mayestra: apostar fuerte con IU. A ver qué pasa. Sabe que ta nas manes de Valledor, pero decile midilu. Tando adurmecíu’l PP, que ta suañando’l suañu infantil d’Ovidio, la única oposición que tien, sabe que ta a la so esquierda. Esti Valledor tien la llingua afilá, y lo que ye peor, entovía tien la capacidá de movilización d’esi “tercer sector” que ye, dacuando, tan incómodu. Cuando entamen a negociar, yá col sofitu de Javier Fernández, Areces tira navayaes pa albidrar la fuercia d’un Valledor que entama gallu, sabiéndose necesitáu. Valledor responde a les puñalaes de Tini, pero esti, vieyu navayeru, decátase que les de Valledor son demasiáu grandones, demasiáu actuáes, como si tuviere mieu, suénan-y a farol. Equí hai dalgo raru, esti manca pocu. La fame vien de Xixón, y los sos antiguos collacios de playa, panzáes y ayuntamientu, Iglesias y Churruca, tienen al potrín Valledor torgáu: tan llocos por tomar la robla. Areces descubre el xuegu, Valledor cae. Armen un alcuerdu nel que-y dan a Laura la Conseyería de Vivienda –d’eso, tien ella amiguinos per Xixón que saben munchu- y Bienestar Social. Esta queda bien amarrada. Noemí nin sollute, mamá manda. Vaya xubilación. A Valledor, nun vaiga ser el diañu, van da-y fumu. Van callalu. Una conseyería ensin competencies, pa figurar, pa faroliar, pa salir na foto, y pocu más. Como se-y da bien… Otru que queda espatalixando. Les navayaes duelen abondu, pero más si tan na espalda. Y Tinín, comi y comi.

De rebote, aprovechando la babayura de Valledor, armen una xugada mayestra. Javier Fernández, Churruca y Areces tienen una obsesión común: l’asturianismu. La cosa esa del bable. Desarmada la IU, controlaos los sindicatos mayoritarios, sólu l’asturianismu ye quien a poner na cai a diez mil persones. Buenu, eso y el fútbol, pero eso ye otru cantar. Y a Valledor, que nun calla colo del bable, van dan-y lo que quier: la Oficina de Política Llingüística. Atención a la xugada, que esta ye bona. ¿A quién poner al frente de esta oficina? Tien que ser un reconocíu llingüista, pero claru, Ana Cano, García Arias y otros nun van tragar. Los escritores son demasiáu chulinos, y van armala. Ramón d’Andrés, tan murniu como conflictivu ye la solución. Un académicu que ta arrequexáu poles sos cabezonaes pol restu de la Academia de la Llingua. Un home feríu, que llambe les sos feríes ye la solución. Un home de prestixu académicu, bon llingüista, pero resintíu cola Academia. Un inocente políticu, “posibilista”, blandiu, con tragaderes y con pocos arrestos. Nun sabíen lo bien que diba saliyos. Pa controlalu, nun vaiga ser que engañe, llánten-y a Migoya. Fría como’l xelu. El desequilibriu políticu ye brutal, Ramón nun ye quien a tascase, nun aguanta’l tipu. Pero lo meyor bien darréu. Ramón entama a dar pan a tolos enemigos de l’Academia, los resintíos Bello, T. Lorences, Balbuena, etc, y ellos solinos seman de discordia e insultos lo que siempre fora una balsa d’aceite. Areces ríe. Migoya sabe lo que va pasar darréu. Los ataques a la llínia de flotación de l’ALLA son bestiales. Ramonín reparte perres, y los cipayos dan palos ensin parar. Faen poca sangre, pero’l pocu coloráu envelénalos entovía más. La Xunta de Toponimia, los ataques de Les Noticies y el Gallegu-Asturianu abren una fenderura definitiva. Nun hay torna. L’asturianismu ta estremáu. Salió-yos bien la xugada. Areces nun ye quien a creer lo bien que-y salió. Tomará nota.

Otru asaltu más, al poder totalitariu, son les llicencies de televisión. Con LVA, El Comercio, la Ser y Localia, TeleXixón y los medios llocales, bien controlaos pola política de subvenciones, el trabayu de zapa escontra LNE ye constante. Una obsesión. LNE ye un xigante, un mediu descomanáu, desproporcionáu pa un pais tan pequeñu, poderosu económicamente, más que tolos otros xuntos. Paez un xigante, pero tamién tien su debilidá. Y la debilidá son les perres. Tini sábelo. El poder económicu ta, otra vuelta, con Tini. O ye meyor decir, que Tini supo, como siempre, gobernar pal poder económicu. Esi ye el poder real, el poder de poderes, y el que-y abra la puerta va gobernar, y el que non, van pasái per enriba con puerta y tou. ¿Cuántos anuncios d’empreses de la construcción apaecen na Nueva España los domingos? ¿Cuántos a diariu? Los anuncios de les grandes empreses, más que los institucionales alimenten al monstruu. Les constructores tienen beneficios non suañaos…Les presiones son brutales. Como ye l’estilu triunfaor d’Areces: ensin dexar alientu al enemigu. Les llicencies de televisión tan cerca, y LNE tira la toalla. El camín ta allanáu. Ensin mediu que esparda la información, les coses son más fáciles. Darréu la retirada de la señal a Tele Asturias, otra obsesión. LNE calla como afogáu. La cosa va bien pa Tini. Otru muertu más ¿A quién importa? A partir d’equí los asturianos yá nun volverán a tener medios críticos.

Yá nun hai quien tenga ganes de complicase dando caña cola cacicada de la llista de la AMSO uvieína. Un caberu cambiu de cromos. Villa sabe que si va a Uviéu va ser de floreru. L’orgullu nun-y dexa vese como una pantasma na Xunta Xeneral, colo que elli foi ellí. Villa non va a la Xunta y Palomina, anantes villista, ye la candidata a la alcaldía d’Uviéu. A Tini nun-y paez mal, al contrariu, paez-y de miedu. Dos o tres páxaros d’un tiru. Villa desapaez, controla la candidatura d’Uviéu…

Como ya sabemos a estes altures, la fame de Tini ye la del gran depredaor, el que mata por matar. La capacidá de control políticu ye enorme. Ensin oposición sólu una cosa-y sal mal. La so obsesión pol asturianismu políticu fáelu poner peones allí onde puede. La política policial del PSOE enllenaría llibros si llevare contabilidá de los infiltraos y delatores. L’asturianismu políticu lleva bien d’años arrastrando’l pesu d’una Andecha Astur aberchalizada, irreal. Esti partíu torgó cualisquier posibilidá de xuntanza pela esquierda. Les bronques son periódiques, cada pocos años xurde la posibilidá de facer una coalición que ye torgada pol sector talibán, la posibilidá de crecer nun esiste. Pero, ¿Equí que pasa? Dellos lo intentaren, y toos tuvieren que colar enantes de volvese llocos. El sector “duru” d’AA nun dexa posibilidá de diálogu políticu: “O conmigo, o españoluzu”. El médicu mueve los filos. L´héroe. Asina nun hai forma, la xente que busca una salida al llaberintu políticu asturianu pola esquierda atopa con AA y tien que recular. Al que se mueve, hostia. Tini, como Dios, que ta en tolos llaos, nun ye ayenu a esta AA. Un trabayu d’investigación pon al descubiertu les conesiones del llider espiritual y fácticu d’AA col PSOE y col propiu Areces. Descúbrese la tortiella. El pseudo-reumatólogu lleva años trabayando pa facer una esquierda esquizoide, imposible, de llocos. El PSOE ye agradecíu. La so reciella aberchale berra na internet al descubrise l’engañu: ¡Imposible! ¿Cómo ye posible qu’el traidor sea el que gritaba “¡Asturies socialista, Asturies dixebrá, puxa’l pueblu trabayaor asturianu, puta España!”?

Adulces, un grupu de militantes llegó a ser mayoritariu n’Andecha y algama’l poder. La fuercia de los números fae que ganen unes ellecciones nun congresu del partíu, y llogren controlar les sos órganos de decisión. La posibilidá d’una esquierda asturiana democrática entama a vese realizable. Con esta xente sí ye posible falar. Son xente pacíficu, ensin ensoñaciones vasquistes, presentable. Dalgunu diz que son, inclusu, normales. Tomen la iniciativa de falar con IAS, una vieya demanda del asturianismu cultural. Ye cenciellu, al fin y al cabu, neutralizaos los aberchales, les diferencies son mínimes. IAS cree nellos. UNIDÁ ta más cerca. ¿Ye posible una esquierda real n’Asturies? ¿Ye posible una oposición? La situación ye crítica: democráticamente, llaboralmente, culturalmente, mediuambientalmente Asturies nun da más de sí. Pero dalgo españa n’AA. Les fuercies fáctiquees y arecistes n’AA vuelven a romper la baraxa. Falsifiquen actes, tracamundien los resultaos de congresos inesistentes, acuden a los xuzgaos. La orden de Tini ye parar una unidá de partidos pola esquierda. La única oposición posible que ye quien a imaxinar el nuestru Tini ye IU. Lo que-y faltaba pal duru. La orden ye pasar el 27 de mayu, tracamundiar lo que se pueda, ganar tiempu, dempués, tiempu habrá pa trabayar esi tema. Tini nun pierde el control.

Areces, amagostáu lo de la AMSO, ta mal contentu cola oposición uvieína, unu de los caberos requexos de resistencia n’Asturies. Rivi tien demasiada autoridá moral. Entama a estorbar. El sofitu a los trabayaores de la CSI, paez-yos el colmo. Hai que paralu. Toque a IU. Cola rabia del perru rabiáu que busca’l cariñu del amu, IU afuega al grupu disidente d’Uviéu. Por roxos. Agora, de xuru que Areces alcuentra la mirada pelotillera del inanu, orgullosu de demostrá-y al so amu lo evidente, la fidelidá del conversu. Roma nun pagaba traidores. Areces sí. Devuelve-y la mirada.

La llexisllatura que vien, si naide con sintíu lo remedia, va ser la de la enerxía. Con eso amenacen. El Muselón, la regasificadora, los ciclos combinaos, Lada-Velilla, Soto-Penagos, los parques eólicos del Occidente, van ser la triste realidá asturiana nos cuatro años que vienen. Otra xugada mayestra ye necesaria: l’ataque al ecoloxismu. ¿Hai meyor pina que la de la mesma maera? Si quies vencer al enemigu, métite a troyanu. A Areces méten-y miedu poques coses, tal ye el dominiu que tien, pero unes asociaciones ecoloxistes actives pueden busca-y problemes. Un grupu pequeñu pero organizáu, casu d’AVALL puede, vía tribunales o vía Bruselas, buscar demasiaos problemes. Si non parar les infraestructures, sí frenales. Y les promeses colos empresarios hai que cumpliles. Hai que yos dar garantíes nesti procesu, una central térmica ye carísima como pa tenela parada alministrativamente. Carta blanca. Equí va el nuestru Tinín a aplicar la receta de la llingua, que tan bien-y pintó. A ver si agora sal la cosa. A IU tamién va vení-y de fábula. IU va dir a les ellecciones colos apellíos BA-Verdes. Y eso va facé-y falta a Areces. Puestinos ven. ¿Qué meyor garantía pal gobiernu contaminaor que tener un conseyeru de mediu ambiente “verde”? ¿A qué llocu va a ocurríse-y que un conseyeru de los verdes diba a aprebar la incineradora si fore mala? ¿Semar l’occidente de parques eólicos? Eso ye bonísimu. ¿El gas? Enerxía llimpia, amiguinos. ¿Los tendíos elléctricos? Pa que se posen los paxarinos. Nun vos esmolecer, equí tan los verdes pa garantizar la calidá ambiental de les infraestructures arecistes. Dícenlo los verdes, qué más queréis, a durmir tranquilinos, que nun hai inxanos.

Los cabezaleros de los verdes, nun perder esti datu, son Joaquín Arce, postuláu a conseyeru de mediu ambiente, que ya fora director xeneral col PSOE, José Antonio Sierra Nebot, un home de la confianza d’Iturrioz, Pepa Alonso, trabayaora de la conseyería de la güelina Laura… Y asina va dinos. Estos van facer el mesmu trabayu que los del bable (los de Ramonín, claru). Per un llau, van ser los cómplices necesarios pa cerrar boques, pa salir na foto verde, pa que quede claru que esi va ser un gobiernu “ecoloxista”, y per otru llau van ser fonte de discordia nes sos propies organizaciones ecoloxistes, casu d’ANA, Coordinaora Ecoloxista, etc. Dixebra ecoloxista. Una pina. Y si non, al tiempu. Sin dir más allá, la primera na frente, que se diz, la convocatoria de la contramanifestación de Mieres d’esta tarde.

En conclusión, esti personaxe, va cargándose tou lo que-y estorbaba del PCE, al alcalde de Xixón compañeru de partíu, a Villa, a IU, a dalguna parte del asturianismu, inutilizó LNE, AA, y un llargu etc. Eso que se sepa.

Dotramiente, recordar que va ocho años tenía la oposición d’IU (del PP entovía nun la tuvo), del Soma, de la UGT, de CCOO, del asturianismu, del ecoloxismu, de la LNE. Teníalo jodíu, la verdá. Agora, tienlo a güevu, mal que nos pese. ¿Qué queda? AVALL, ACA, la CSI, dalgún grupu ecoloxista, dalgunu otru vecinal, UNIDÁ. ¿Escaézseme dalgo?

Cómo se lo monta Tini Areces, ¿Quién dixo que yera tontu?</BIG>
<BIG>
Por ciertu, creo que a Tinín tan ruxiéndo-y les tripes. La fiera tien fame d'ecoloxismu."</BIG>


</TD></TR></TBODY></TABLE></TD></TR></TBODY></TABLE><TABLE cellSpacing=12 cellPadding=0 width="100%" align=center border=0><TBODY><TR><TD align=right>[Imagen: mail.gif] </TD></TR></TBODY></TABLE></TD></TR></TBODY></TABLE>


Posibles temas similares…
Tema / Autor Respuestas Vistas Último mensaje



Usuarios navegando en este tema: 1 invitado(s)