Los pueblos que percuerre esti programa, presentáu por Sonia Fidalgo, nun son los llugares a los que lleguen davezu les cámares de televisión, onde se producen noticies o asocedíos importantes.
Son llugares pequeños, remotos dacuando, pero de los que los sos habitantes tán arguyosos. En dellos casos, trátase malpenes d’una docena de vecinos. N’otros, un centenar. Pero siempre con un denominador común: el ciñu col qu’amuesen el llugar onde viven.
Pueblos va visitar Lluces, nel conceyu Colunga. Lluces estiéndese sobre una rasa bien fértil que s’asoma al Sueve y al Cantábricu pel oeste de Llastres, al pie de su icónicu faru.